Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dëshmitari i 68-të i Zyrës së Prokurorit të Gjykatës Speciale, diplomati austriak, Jan Kickert, ka mohuar se ka dëgjuar për formimin e një gjykate ushtarake në UÇK dhe se në krye të saj të ketë qenë, juristi, Sokol Dobruna. Gjithashtu, dëshmitari ka mohuar se e dinte që puna e Hashim Thaçit ka qenë që të mbikëqyrë funksionimin e kësaj gjykate ushtarake. Ndërsa, i pyetur lidhur me përfaqësimin e shqiptarëve në procesin politik e sidomos gjatë marrëveshjeve që dolën nga ky përfaqësim, dëshmitari ka thënë se LDK-ja nuk kishte qasje miqësore ndaj UÇK-së. Në fillim madje mohuan edhe ekzistencën e UÇK-së. Por ishte FARK-u, grupi i armatosur që financohej nga LDK-ja dhe qeveria e saj në ekzil. Pra, kishte përplasje, fërkime politike, por besoj që këto fërkime ishin edhe në terren. Dëshmitari ka shtuar se LDK-ja e shihte UÇK-në si kërcënim të monopolit të vet politik. ai ka thënë se gjatë procesit të marrëveshjes së Rambujesë, kishte presion mbi Thaçin pasi komandantët e zonave nuk pajtoheshin me këtë marrëveshje. Krahas kësaj, dëshmitari ka pohuar se Thaçi nuk e kishte autoritetin që të nënshkruante në emër të UÇK-së.
