Digjet një shtëpi në Vërmicë të Malishevës

15/11/2017 Institucionet

Në orët e mëngjesit, një shtëpi në fshatin Vërmicë të komunës së Malishevës, është kapluar nga zjarri. Nga ky zjarr, një person është lënduar, ndërsa është djegur në tërësi kati i parë i shtëpisë, si dhe është tymosur kati i dytë, duke e bërë të pabanueshme shtëpinë. Intervenimi i zjarrfikësve dhe i banorëve të lagjes, ka qenë i shpejtë, duke e parandaluar përhapjen e zjarrin. Shtëpia e djegur, është e Shaqir Gashit nga Vërmica, i cili është edhe personi që ka pësuar lëndime nga zjarri, pasi ishte futur brenda një dhome në flakë, për të shpëtuar fëmijët, të cilët ishin duke fjetur. Këtë familje, gjatë paradites e ka vizituar nënkryetari i Komunës së Malishevës, Rexhep Mazreku, i cili ka shprehur keqardhjen e tij, për dëmin e shkaktuar nga zjarri.  Nënkryetari Mazreku, po ashtu e ka takuar edhe pronarin e shtëpisë, Shaqir Gashin, i cili është lënduar, përkatësisht ka pësuar djegie në fytyrë, të cilit i ka dëshiruar shërim të shpejt. Sipas pronarit dhe banorëve, intervenimi i njësive të zjarrfikësve dhe i Policisë së Kosovës, ka qenë i shpejt, edhe pse Vërmica është një vendbanim larg qendrës komunale. Të lënduarit, i është dhënë ndihma e parë dhe trajtimi mjekësorë në QKMF në Malishevë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara