Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, më 4 janar 2020, është kënaqësi jo vetëm për punonjësit e institucionit të Radio Kosova e Lirë dhe i Agjensisë Kosovapress, të cilët i kanë drejtuar dhe po i drejtojnë prej 21 vite rresht, (thënë ndryshe për 7670 ditë) pa e ndërprerë veprimtarinë mediatike as edhe njjë ditë të vetme, por është njëkohësishtë gëzim edhe për ata shqiptarë e banorë të Kosovës që i patën pritur e dëgjuar me ankth lajmet e komentet e RKL e Agjensisë gjatë 168 ditëve të jetës së tyre në atë luftë çlirimtare, ( 4 janar – 21 qershor 1999), në ato ditë që luhej tragjedia e madhe e Kosovës. Njëkohësisht ka qenë dhe është gëzim sot e gjithë ditën për gjithë ata shqiptarë dhe atyre të pakicave që e ndjejnë veten shqiptarë kur dëgjojnë valët e saj apo lexojnë portalin e saj e të Agjensisë Kosovapress; është gëzim sepse dëgjohet dhe lexohet shqip për të gjithë shqiptarët pa dallim feje, krahine dhe bindje politike; është gëzim se kur dëgjon dhe lexon portalin e këtij institucioni krenohesh që është institucion që ka lindur shqiptar e ka mbetur shqiptar.
Për këtë gjë, stafi që e drejtoi dhe punoi në ato 168 ditët e luftës e në vijim ka të drejtë të ndihet krenar! Po kështu edhe për ne që e kemi dëgjuar ato 168 ditët e lavdisë kombëtare e që e dëgjojmë edhe sot. Jetë të gjatë e sa më të gjatë këtyre instutucioneve mediatikë, me dëshirën që të mos rreshtni së qeni të tillë si deri sot sa të ketë shqiptarë në këto troje ku u dëgjua për herë të parë zëri i Radi Kosova e Lirë!
Pershendetje!
Dilaver Goxhaj
(Shpetim Golemi)
