Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke u thirrur në burime të vendeve perëndimore që janë të përfaqësuara në Kosovë, disa medie dhe portale përhapin paralajmërime ogurzeza për ditën e nesërme. Sipas paralajmërimeve të tyre, nesër në Prishtinë do të ketë dhunë në mes të atyre që do ta kundërshtojnë zgjedhjen e Hashim Thaçit kryetar të Kosovës dhe atyre që do ta festojnë zgjedhjen e tij. Këto medie kanë përkujtuar se derisa aktivistët e partive opozitare janë duke qëndruar në tenda dhe ju kanë bërër thirrje qytetarëve për pjesëmarrje masive në protesta për të kundërshtuar zgjedhjen e Hashim Thaçit kryetar të Kosovës në anën tjetër, degët e Partisë Demokratike të Kosovës kanë ftuar anëtarët e PDK-së që të vijnë në Prishtinë për ta festuar zgjedhjen e liderit të tyre kryetar të Kosovës. Edhe ambasadat e huaja i kanë këshilluar qytetarët e tyre që të tregojnë kujdes nëpër rrugët e Prishtinës ndërsa kryetari i Kuvendit të Kosovës, Kadri Veseli ka theksuar se situata në Kosovë është shumë serioze.
