Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Disa ministra në Qeverinë e Kosovës, kryesisht nga radhët e Partisë Demokratike të Kosovës, po refuzojnë vendimin e Qeverisë dhe kryeministrit Ramush Haradinaj, për rritjen e pagave. Ata kanë deklaruar se nuk do ta marrin pagën me rritje. I pari që kishte sfiduar vendimin e kryeministrit Haradinaj, ishte ministri i Financave, Bedri Hamza. Po ashtu, edhe një ministër tjetër i PDK-së, i ka konfirmuar Radios Evropa e Lirë se do ta refuzojë pagën me rritje. Kurse, ministra të tjera nuk kanë dashur të komentojnë për këtë çështje. Ministrja e Integrimit Evropian, Dhurata Hoxha, në një konferencë për media, kishte deklaruar se janë duke diskutuar me ministrat tjerë se a do ta pranojnë apo ta refuzojnë pagën me rritje. Ministrat nga partitë tjera të koalicionit, nuk e shohin si problem rritjen qind për qind të pagave.
