Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
37 vite më parë, në 11 prill 1985, u nda nga jeta prijësi komunist i Shqipërisë, Enver Hoxha. Në këtë përvjetor, disa nga anëtarët e Partisë Komuniste, në Gjirokastër kanë qëndruar pranë ambienteve të shtëpisë së Enver Hoxhës, e cila po restaurohet. Një prej tyre, e ka kujtuar me mall Enver Hoxhën duke saktësuar se ai e ka ngritur Shqipërinë nga e para, pas luftës. Ai thotë se asnjë tjetër nuk e meriton lavdinë më shumë se Enver Hoxha. “Enver Hoxha ishte udhëheqësi i LANÇ, i cili doli fitimtar me kampin antifashist botëror me udhëheqjen e Stalinit të madh, tërë jetën e tij qëndroi në kampin e paqes të gjithë popullit. Ishte figura më e madhe në Evropë dhe Ballkan që i qëndroi socializmit për të arritur majën më të lartë të komunizmit. Enver Hoxha ngriti një Shqipëri nga e para, ndërtoi hidrocentrale, bonifikoi fusha, siguroi një fuqi punëtore, siguroi arsim dhe shëndetësi falas. I dha lirinë dhe pavarësinë e vërtetë Shqipërisë siç ka thënë dhe Fan Noli i madh. Siç ka thënë dhe De Goli, se lavdia shkon te ai që nuk e kërkon dhe askush më shumë se Enver Hoxha nuk e meriton atë. Sot nga kapitalizmi, fuqia punëtore ka marrë arratinë jashtë shtetit. Ky sistem nuk po mban as 2 milionë shqiptarë, Enver Hoxha i bëri nga 800 mijë në 4 milionë, të gjithë të punësuar”, tha ai. (Dita)
