Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Beteja e Kosovës është zhvilluar më 15 qershor të vitit 1389 dhe jo më 28 qershor, që është data e kalendarit serb, julian por jo data e vërtetë historike, sipas kalendarit tonë dhe atij evropian. Përkujtimi i kësaj dite nga shumë medie në Kosovë është mbështetje e versionit serb për Betejën e Kosovës, e cila i ka shërbyer dhe po i shërben Serbisë për ta shtrembëruar dhe për ta manipuluar të vërtetën historike të kësaj beteje duke u mbështetur në mite e legjenda dhe jo në realitetin e faktuar të kohës. Përkujtimi i kësaj date njëjtë me kalendarin serb i bën shërbim ngritjes së shtatores së krahinarit serb, Llazar, që nuk ishte mbret as perandor (Caesar) por vetëm një knjaz, një lloj princi i rangut krahinor. Këto medie e kanë lënë për sot ta përkujtojnë Betejën e Kosovës, pikërisht në ditën kur këtë datë e feston Serbia dhe nuk e kanë përkujtuar sipas kalendarit tonë dhe sipas kalendarit historik botëror më 15 qershor. Është mosnjohje e historisë apo solidarizim me versionin serb të Luftës së Kosovës?
