Organizuar nga Komuna e Ferizajt, përkatësisht Drejtoria e Shërbimeve Publike dhe Emergjencës, ka filluar të mbahet punëtoria dy ditore për hartimin e dokumente të vlerësimit të rrezikshmërisë. Në këtë punëtori përveç zyrtarëve komunal po marrin pjesë edhe zyrtarë të Agjencisë për menaxhimin e Emergjencave (AME). Me këtë rast drejtori i Drejtorisë së Shërbimeve Publike dhe Emergjencës në komunën e Ferizajt, Arben Halili, ka theksuar se hartimi i dokumentit mbi vlerësimin e rrezikshmërisë, po bëhet nga FNFT në gjithë territorin e Republikës së Kosovës në nivel qendrore dhe lokal sipas Ligjit Nr.04/L 027 për Mbrojtjen e Fatkeqësitë tjera si dhe Rregullores për hartimin e metodologjisë së dokumentit të vlerësimit të rrezikshmërisë e cila është kompetencë e Agjencisë së Menaxhimit Emergjent të Ministrisë së Punëve të Brendshme. Hartimi i këtij dokumenti është i një rëndësie shumë të madhe, për shkak se në bazë të saj specifikohet çdo detaje që parashihet në bazë të ligjeve në fuqi.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
