Diskutohet zgjerimi i shërbimit të edukimit për nëna dhe fëmijë

23/06/2018 Institucionet

Gjatë ditës së premte, Kryetari i Komunës së Ferizajt, Agim Aliu bashkë me ministrin e Shëndetësisë, Uran Ismaili, përfaqësuesit nga UNICEF, drejtorin e Shëndetësisë dhe Mirëqenies Sociale në Ferizaj, Besnik Berisha, drejtorin e QKMF-së në Ferizaj, Asllan Bajrami, përfaqësuesen nga sindikata e punëtorëve shëndetësor, Tevide Imeri, infermieren Kefsere Vata si dhe punonjës tjerë shëndetësor kanë zhvilluar vizitën shtëpiake në familjen Haliti në fshatin Manastirc për të parë nga afër implementimin e projektit të edukimit shëndetësor përkatësisht të kujdesit për nëna dhe fëmijë, që po implementohet nga QKMF. Me këtë rast, Kryetari i Ferizajt, Agim Aliu ka vlerësuar këtë shërbim ndaj qytetarëve si tejet të rëndësishëm në rritjen e kujdesit ndaj të porsalindurve si dhe falënderoi ministrin Ismaili për vullnetin e tij që ky shërbim të avancohet dhe fuqizohet edhe më tej. Theks të veçantë, kryetari Aliu vendosi mbi zgjerimin e këtij shërbimi në mënyrë që në numër sa më të madh të ofrohet ndaj nënave dhe fëmijëve. Në anën tjetër, edhe ministri i Shëndetësisë, Uran Ismaili në vizitën që i bëri kësaj familje me kushte jo të mira ekonomike u zotua se ky projekt por edhe modeli i kujdesit shtetëror ndaj nënave dhe të porsalindurve është prioritet dhe rrugë që po ndjek Ministria e Shëndetësisë në ofrimin e shërbimeve të edukimit për nëna dhe fëmijë. Komuna e Ferizajt është ndër komunat kryesore në vend dhe më të suksesshmet ku po implementohet dhe ka evoluar ky projekt. Aktualisht 4 qendrat e mjekësisë familjare në Ferizaj ofrojnë këtë shërbim me staf të posaçëm profesional që mbulojnë gjithë territorin e Ferizajt. Ofrimi i këtij shërbimi përfshin vizitat sistematike në familjet me të porsalindur, edukimi i nënave për gjidhënie, mirëmbajtja e fëmijëve, ushqyeshmëria, përcjellja e tyre nga mosha 0 deri në 3 vjeç si dhe një varg rekomandimesh profesionale që dalin nga ky projekt.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara