Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtoria Komunale e Arsimit në Skenderaj sot ka organizuar ceremoninë e shpërndarjes së çmimeve dhe mirënjohjeve për nxënësit më të dalluar të vitit shkollor 2021-2022, ku kanë marrë pjesë kryetari i Komunës, Fadil Nura, nënkryetari Sami Lushtaku, drejtori për Arsim, Kastriot Duraku, nxënësit fitues, mësimdhënësit dhe drejtorë shkollash. Në fjalën e tij para të pranishmëve, kryetari Nura ka përgëzuar nxënësit e shkollave të komunës, për rezultatet e treguara në garat e organizuara në nivelin republikan, rajonal dhe komunal, duke i vlerësuar si të jashtëzakonshme arritjet e tyre. Ai ka inkurajuar nxënësit që të vazhdojnë me përkushtim mësimin, ndërsa ka siguruar përkrahje nga ana e Komunës, si për nxënësit më të mirë ashtu edhe për mësimdhënësit e komunës. Edhe nënkryetari Lushtaku ka përgëzuar nxënësit e dalluar të komunës së Skenderajt, kurse drejtori i Arsimit, Duraku, ka thënë se drejtoria që udhëheqë ai, do të angazhohet vazhdimisht t’i stimulojë nxënësit që shfaqin rezultate, ndërsa ka potencuar synimet për ngritje të cilësisë në mësimdhënie dhe mësimnxënie.
