Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari dhe zëvendës-kryetari i Këshillit të Sigurimit të Federatës Ruse, Dmitry Medvedev tha se Rusia do të zhduket nëse humbet luftën në Ukrainë. Nëse Rusia ndalon operacionin ushtarak special pa arritur fitore, Rusia do të zhduket, ajo do të copëtohet, por nëse Amerika ndalon furnizimin me armë për regjimin e Zelenskit lufta do të përfundojë. Komentet e Medvedevit pasojnë fjalimin e kryetarit amerikan Joe Biden, në Poloni. Ditë më parë gjatë fjalimit të tij, kryetari amerikan tha: “Nëse Rusia do të ndalonte pushtimin e Ukrainës, do t’i jepte fund luftës. Nëse Ukraina do të ndalonte së mbrojturi veten kundër Rusisë, do të ishte fundi i Ukrainës. Sipas Medvedevit ky konstatim e Bajdenit ishte një gënjeshtër e rafinuar. Medvedev komentoi gjithashtu fjalimin e Putinit për gjendjen e kombit në veçanti një njoftim se Rusia po pezullon pjesëmarrjen e saj në traktatin e ri START për reduktimin e armëve bërthamore. Ai e quajti atë “një vendim të vonuar dhe të pashmangshëm. Nëse Shtetet e Bashkuara duan të mposhtin Rusinë, atëherë ne kemi të drejtë të mbrohemi me çdo armë, përfshirë edhe ato bërthamore, saktësoi Medvdev.
