Letërsisë shqiptare, iu shtua edhe një libër autobiografik i të burgosurës politike Ajshe Gjonbalaj, titulluar “Jeta Ime dhe disa rrëfime nëpër burgjet Jugosllave.” Libri përbën një dokument të çmuar historik dhe emocional, duke përmbledhur kujtimet e Ajshe Gjonbalajt që nga fëmijëria e saj e hershme deri te përvojat e dhimbshme në burgjet jugosllave. Përmes një rrëfimi të qartë dhe të drejtpërdrejtë, autorja ndan me lexuesin copëza nga jeta e saj personale, ku ndjehen dhimbja, guximi dhe rezistenca e saj ndaj shtypjes dhe padrejtësisë. Libri “Jeta ime dhe disa rrëfime nëpër Burgjet Jugosllave”, nuk është vetëm një rrëfim autobiografik, por edhe një dëshmi e fuqishme për brezat e ardhshëm, për të mos harruar kurrë vuajtjet dhe sakrificat e atyre që luftuan për lirinë dhe të drejtat e tyre. Libri ka 110 faqe, botoi Radio Kosova e Lirë, shtypi Shkrola, në Prishtinë.
Kontrolloni gjithashtu
Posta e Kosovës zgjeron flotën me 7 automjete të reja, për shërbime më efikase të transportit të dërgesave postare
Posta e Kosovës ka shtuar flotën e saj me 7 automjete të reja, duke zgjeruar …