Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i SHBA-së, Donald Trump ka vendosur të anulojë takimin me homologun e tij rus Vladimir Putin nën margjinat e samitit të G20 në Argjentinë. Arsyeja e anulimit të këtij takimi sipas Trump është për shkak të krizës në Ukrainë. “Duke u bazuar në faktin se anijet dhe marinarët nuk u kthyen në Ukrainë nga Rusia, vendosa se do të ishte më mirë për të gjitha palët e interesuara të anulonin takimin tim të caktuar më herët në Argjentinë me presidentin Vladimir Putin”, ka shkruar Trump ndër tjerash. Marina ukrainase para pak ditësh ka njoftuar se forcat detare ruse kanë konfiskuar tri anije të Ukrainës në kalimin Kerç. Në anën tjetër Shërbimi rus Federal i Sigurisë (FSB) ka deklaruar se anijet ukrainase shkelën ujërat territoriale ruse që ishin mbyllur përkohësisht. Ndërkohë Kievi dhe Perëndimi kanë akuzuar Rusinë për bllokimin e qëllimshëm të lundrimit të anijeve tregtare përgjatë kalimit Kerç, rruga e vetme detare midis Detit të Zi dhe Detit Azov.
