Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari amerikan, Donald Trump ka mbajtur fjalimin e tij të fitores para mbështetësve. Ai tha se republikanët siguruan fitoren edhe në shtetet e lëkundura, ndërsa po fitojnë edhe shtetet kritike. Falënderoj amerikanët për nderin që më zgjodhën si presidentin e 47 dhe 45 gjithashtu. Do të luftoj për ju dhe familjet tuaja, për të ardhmen. Do të luftoj me ju me çdo mundësi që kam. Të kemi një Amerikë me prosperitet që amerikanët meritojnë. Një epokë e jashtëzakonshme për Amerikën. Duke fituar shtetet kryesore, jemi në fitore edhe në Miçigan Alaska etj që do të na lejojë 350 vota elektorale. Nuk kishte asnjë rrugë tjetër përveç fitores. Donald Trump tashmë e ka siguruar numrin e nevojshëm të votave të Kolegjit Zgjedhor për t’u bërë fitues i zgjedhjeve presidenciale në Shtetet e Bashkuara të Amerikës. Ai ka 276 vota të Kolegjit Zgjedhor, gjashtë më shumë se minimumi i kërkuar për shumicë. Ai do të rikthehet në Shtëpinë e Bardhë katër vjet pas nxitjes së një kryengritjeje të dhunshme në ndërtesën e Capitol-it si pjesë e përpjekjeve për të qëndruar në pushtet, duke mos e pranuar rezultatin e zgjedhjeve të vitit 2020.
