Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Amerikës, Donald Trump ka kërcënuar me sulme ushtarake mbi Sirinë, për shkak të sulmeve të reja kimike që janë kryer ndaj civilëve, raporton Associated Press. Ai këto kërcënime i ka bërë gjatë takimit me zyrtarët ushtarakë në Shtëpinë e Bardhë, ku deklaroi se së shpejti do të marrë vendim për atë se si do të reagojnë Shtete e Bashkuara. “Kemi shumë opsione ushtarake, do t’ju njoftojmë së shpejti”, ka deklaruar Trump para gazetarëve në Shtëpinë e Bardhë. Në sulmin me armë kimike në qytetin sirian Douma gjatë 7 prillit janë vrarë më shumë se 70 persona, në mesin e të cilëve kishte edhe fëmijë. Për sulmin po akuzohet presidenti sirian Bashar al-Assad që kategorikisht ka mohuar akuzat. Vendet perëndimore besojnë se Assad nuk ka mundur të veprojë i vetëm pa pasur përkrahjen e Rusisë dhe Iranit. Ndërkaq, Trump ka thënë se do t’i përgjigjet këtij sulmi me armë bërthamore në mënyrë të “fuqishme”. Në takimin e mbajtur në Shtëpinë e Bardhë, prezent ishte Sekretari i Mbrojtjes Jim Mattis si dhe gjenerali i ushtrisë amerikane Joseph Danford.
