Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari amerikan, Donald Trump ka zgjedhur z. John Bolton, këshilltar të ri të sigurisë kombëtare. Ky është këshilltari i tretë të cilin e ka përzgjedhur Trump në këta 14 muaj prej kur u zgjodh në krye të Shtëpisë së Bardhë. Bollton është i njohur ndër të tjera, për shkak të kundërshtimit që i ka bërë 10 vjet më parë njohjes nga Amerika të pavarësisë së Kosovës. Ministri i Jashtëm i Serbisë, Ivica Daçiq, në lidhje me ndryshimet e fundit në krye të administratës së Shteteve të Bashkuara kujton kohën kur Bollton ishte shprehur kundër pavarësisë por nuk i di qëndrimet e tij të tanishme. Pikëpamjet e Boltonit për Kosovën ndryshojnë shumë nga ato të zakonshme në administratën amerikane.
Këshilltari amerikan i Sigurisë, John Bolton mendon se e vetmja mënyrë për të ruajtur paqen dhe stabilitetin në rajon, është vazhdimi i negociatave, por shton se kjo nuk ka ndikuar në vendimin e njohjes së parakohshme të pavarësisë së Kosovës. Bolton në një intervistë për “Zërin e Amerikës” thotë se është pothuajse e sigurt që Kosova do të ndahet, pasi zonat që janë kryesisht të populluara nga serbët të jenë të orientuar drejt Serbisë. Megjithatë edhe kjo nuk zgjidh çështje të tjera, të tilla si të drejtat e serbëve dhe të grupeve të tjera etnike që mbeten në Kosovë, kishte thënë ish ambasadori amerikan në Kombet e Bashkuara. Bolton, në një intervistë në vitin 2008, po kështu kishte thënë se simpatia e Perëndimit për të njohur pavarësinë e Kosovës ka komplikuar zgjidhjen e drejtë të shumë çështjeve të rëndësishme, sepse shqiptarët e Kosovës vazhdimisht besojnë se rezultati do të jetë i favorshëm për ta dhe do të arrijnë qëllimin, gjë që edhe ka ndodhur me njohjen e pavarësisë së Kosovës. (Al-Xhazira-RKL)
