Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Minister-zeza Donika Schwarz, në fushatën e saj si kandidate për deputete në listën e Lëvizjes Vetëvendosje, është përqendruar kryesisht në kritika kundër opozitës, duke lënë në hije shpalosjen e programit apo rezultateve të saj si ministre e Jashtme, që janë minimale. Një ndër dështimet më të mëdha të mandatit të saj cilësohet pamundësia e anëtarësimit të Kosovës në Këshillin e Europës. Për më tepër, gjatë kohës së saj në krye të diplomacisë, Bashkimi Europian vendosi masa ndëshkuese ndaj Kosovës, pa një afat të qartë për heqjen e tyre. Gërvalla-Schwarz është përballur me kritika për mungesën e njohjeve të reja shtetërore për Kosovën, pasi në katër vitet e fundit nuk është shtuar asnjë vend në listën e njohjeve ndërkombëtare, me njohjen e fundit që daton nga 1 shkurti 2021, kur kryeministër ishte Avdullah Hoti. Gjatë një tubimi elektoral, në vend të bilancit të arriturave në diplomaci, Gërvalla-Schwarz u fokusua në sulme ndaj ish-liderëve politikë, përfshirë ish-presidentin Hashim Thaçi dhe ish-kryeministrin Isa Mustafa, duke argumentuar se qeverisja e tanishme ka rikthyer dinjitetin e Kosovës në arenën ndërkombëtare.
