Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kuvendi Komunal i Drenasit, në një mbledhje solemne ka shpallur “Qytetar Nderi të Komunës”, zëvendëspresidentin e Parlamentit Evropian, Rainer Wieland. Kryeministri Ramush Haradinaj, që ishte i pranishëm në këtë ngjarje, tha se ndarja e këtij çmimi për Wieland është nder për popullin e Kosovës. Ai ka falënderuar Wieland që ka ndarë kohën që të vizitojë Kosovën duke siguruar mbështetje për rrugën evropiane për shtetin më të ri në Evropë. Wieland, në një fjalë rasti pasi mori çmimin, tha se ndihet i nderuar e mbivlerësuar, duke shtuar se nga sot është obliguar për të intensifikuar punën për këtë komunë. Kryetari i Drenasit, Ramiz Lladrovci po ashtu tha se ata presin që BE-ja t’i hapë dyert për liberalizimin e vizave, duke i kërkuar atij që të bëjë çmos bashkë me kancelaren gjermane Angela Merkel, për ta ndihmuar popullin e Kosovës drejt BE-së.
