Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Lidhjes Demokratike të Kosovës, Driton Selmanaj, ka reaguar sërish për miratimin e Projektligjit të KPM-së nga ana e pushteti. Ai i ka numëruar disa prej skandaleve më të mëdha të qeverisë, ndërsa Kurtin e ka quajtur diktator të vogël. Përkundër rekomandimeve nga BE, opozita, organizatat vendore dhe evropiane të gazetarëve, qeveria dhe shumica parlamentare e Albin Kurtit dje miratoj Ligjin për Komisionin e Pavarur të Mediave, përmes të cilit synon të kontrollojë dhe kufizojë lirinë e mediave. Sa ishte në opozitë, Kurti shfrytëzoi këto media për ta promovuar veten dhe shpërndarë propagandën e tij. Ishin po këto media që bënë publike aferën Pronto, nepotizmin, dyshimet për shpronësime dhe shumë e shumë skandale të tjera.
Mirëpo tani, kur mediat raportojnë për:
Miliona eurot e Martin Berishës nga GEN-i i Beogradit;
Vjedhjet në rezervat shtetërore nga Rozeta Hajdari;
Miliona euro me kontrata sekrete;
Falja e borgjeve në mënyrë të kundërligjshme;
Dështimin në ndërtimin e 160 çerdheve;
Dështimin në ndërtimin e banesave me çmim të arsyeshëm;
Dështimet e reformave në drejtësi;
Kapjen e RTK-së për të shpërndarë propagandë partiake;
Dështimin e tërësishëm në arsim, shëndetësi, ekonomi dhe çdo fushë tjetër;
Nepotizmin dhe familjarizmin e skajshëm në çdo institucion publik;
….tani diktatori i vogël miraton Ligjin për të kontrolluar mediat.
Mirëpo, z. diktator, të njoftojmë se Kosova është më e madhe se Vetëvendosja dhe mendësia juaj komuniste. Nëse keni arritur që LV-në ta udhëhiqni me diktat, nuk do të lejojmë që Kosova të bjerë nën diktaturën tuaj.
Ashtu siç ju kanë dështuar përpjekjet për:
Kontrollimin e ekonomisë përmes ligjit të çmimeve,
Kapjen e Prokurorisë përmes Ligjit për Këshillin Prokurorial të Kosovës;
Shuarjen e sindikatave sepse kërkojnë kushte më të mira të punës;
Dëmtimin e administratës shtetërore përmes Ligjit për zyrtarët publikë dhe Ligjit për paga;
Kontrollin e Shërbimit Civil të Kosovës përmes shkarkimeve të paligjshme të Këshillit të Pavarur Mbikëqyrës;
Shkarkimin e Bordit të OSHP-së.
Kosova ka kaluar nëpër diktatura dhe nuk do të lejojmë kurrë që të na përsëritet. Kosova është shumë e madhe për diktatorin e vogël!
