Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një artikull kushtuar çështjes Berisha, Dojçe Vele ka shkruar për jetën politike të ish-kryeministrit, dhe akuzave kundër tij, duke cilësuar se kjo fazë mund të jetë fillimi i një epoke të re politike, me fundin e epokës së mosndëshkimit për ata që janë përfshirë në korrupsionin e nivelit të lartë. Për herë të parë në 30 vitet e tranzicionit politik postkomunist të Shqipërisë, një lider dikur i plotfuqishëm akuzohet për “korrupsion pasiv” mbi vendimet e marra gjatë kohës së tij në detyrë. Sali Berisha, një ish-president dhe ish-kryeministër, lider aktual i Partisë Demokratike, partisë më të madhe opozitare në Shqipëri, u vendos në arrest shtëpie më 30 dhjetor. Prokurorët kanë akuzuar Berishën për abuzim me pushtetin e detyrës së tij gjatë mandatit të tij të parë si kryeministër nga viti 2005 deri në 2009. Çështja ka në qendër privatizimin e një qendre sportive në Tiranë, nga e cila dyshohet se ka përfituar dhëndri i tij.
Berisha ka thënë se akuzat janë të pabaza, duke pretenduar se është një sulm i motivuar politikisht nga kundërshtari i tij, kryeministri aktual Edi Rama.
