Dy vëllezër ferizajas, shkencëtar dhe biznesmen të suksesshëm në Amerikë

12/01/2022 Institucionet

Ferizajasit po çelin kapituj të rinj suksesesh kudo në botë. Të tillë janë edhe vëllezërit Gashi, Vlonjati dhe Labeati që i priti në zyrën e tij kryetari i komunës së Ferizajt Agim Aliu. Ata tash e sa vite zhvillojnë jetën e veprimtarinë e tyre në Colorado të Shteteve të Bashkuara të Amerikës.

Vlonjati është ligjërues në lëndën e gjenetikës dhe mikrobiologjisë në Universitetin e Colorados në Boulder, gjersa ndjek edhe studimet e doktoraturës në fushën e gjenetikës dhe zhvillimit të hershëm embrional me fokus në mekanizmat gjenetik që rregullojnë aktivizimin e gjeneve. I shquar si shkencëtar, ai po bën karrierën e tij në SHBA, me pasion e dëshirë që të kontribuoj edhe në vendlindje.

Labeati po kështu, ka përfunduar studimet për ekonomi dhe është licencuar si kontraktues ndërtimi, duke qenë në moshë fare të re, pronar biznesi në ndërtimtari, me suksese të shumta edhe në rritjen e shkëmbimeve mes Kosovës dhe vendit ku jeton.

Të dy, të rritur e të frymëzuar nga një familje e shquar ferizajase, intelektuale,  në qytetin e Ferizajt, që padyshim zeniti i sukseseve të tyre, na bën krenarë si ferizajas, ka thënë kryetari Aliu.

Kontrolloni gjithashtu

Komuna e Vitisë organizon tryezë diskutimi për aktivizimin kundër dhunës ndaj gruas

Komuna e Vitisë, përmes zyrës së kryetarit dhe Zyrës për Barazi Gjinore, ka mbajtur sot …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara