Drejtoria për Zhvillim Ekonomik, Ndërmarrësi, Inovacion dhe Turizëm e Komunës së Skenderajt brenda pak ditësh do të hapë thirrjen për grante, për organizatat e shoqërisë civile në komunën tonë, në kuadër të programit Reload2. Me qëllim të caktimit të prioriteteve, këto ditë është mbajtur një takim në mes të zyrtarëve të kësaj drejtorie, UNDP-së dhe përfaqësuesve të shoqërisë civile në Skenderaj. Drejtoresha Besarta Meha – Ademi u ka bërë thirrje përfaqësuesve të organizatave joqeveritare që zhvillojnë aktivitet në Skenderaj, të aplikojnë me projekte gjatë periudhës kur thirrja të jetë e hapur.