Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Burimet e Al-Xhazirës bëjnë të ditur se më 18 nëntor 2017, në fund të radhës së shtatë të bisedimeve për Sirinë, që po mbahen në Astana, palët selektive e të përzgjedhura nga Kremlini janë koncentruar në zgjidhjen e çështjeve ushtarake në luftimet gjashtë- vjeçare në Siri. Rusia ka propozuar të ashtuquajturin “Kongres të dialogut kombëtar sirian” që parashihet të mbahet në qytetin Soçi të Rusisë, më 18 nëntor 2017. Ministria e Punëve të Jashtme të Rusisë ka bërë të ditur se në atë “Kongres” janë ftuar të marrin pjesë 33 grupime politike të afërta me regjimin sirian të diktatorit alavit, sirian, Bashar Assad, frakcionet kurde por jo edhe pjesëtarë të opozitës siriane apo të grupeve të tjera kryengritëse. Rusia ka marrë përsipër të përforcojë ndikimin e vet mbi politikën vasale të Assadit në Siri dhe këtë shtet ta mbajë nën protektorat për shumë kohë, duke shpërfillur ndikim dhe interesat amerikane e turke në Siri, meqë ka përkrahjen pa rezervë të Iranit dhe forcave shiite në radhët e shteteve arabe e islame. Gjatë luftës 6-vjeëare në Siri janë vratë mbi 400.000 sirianë, janë larguar nga vendi rreth 10 milionë banorë, ndërsa vendi është shkatërruar tërësisht, në pjesën më të madhe të territorit. (Al-Xhazira-RKL)
