Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Kuvendit të Kosovës nga radhët e PDK-së, Enver Hoxhaj, me rastin e 23-vjetorit të themelimit të PDK-së, ka thënë se kjo parti është e lidhur ngushtë me çdo arritje dhe sfidë të Kosovës, sidomos me emrat e Hashim Thaçit dhe Kadri Veselit. “10 tetori 1999 nuk është një datë e zakonshme në kalendarin e historisë më të re të Kosovës. Është lindja e Partisë Demokratike e Kosovës, e formësuar nga sakrifica e popullit, paraprirëse e pavarësisë dhe shtetndërtimit. Është ngushtë e lidhur me çdo arritje dhe sfidë të Kosovës. PDK-ja është Kosova! PDK është vetë Hashim Thaçi, është vetë Kadri Veseli – themeluesit që e vazhdojnë edhe sot 23 vjet më vonë sakrificën e tyre për lirinë e Kosovës. Deri në kthimin e tyre, PDK-ja do të vazhdojë të përmbushë misionin e saj jo vetëm politik por edhe të arritjeve tona historike! Partia Demokratike e Kosovës asnjëherë nuk do të heq dorë për rikthimin e plotë si parti më madhe, si shpresa dhe besimi i vetëm pse ekzistojmë si parti!”, ka shkruar Hoxhaj në një postim të tij.
