leoni

Edhe katër Federata tjera nënshkruan memorandumet me MKRS-në

28/03/2018 Institucionet

Ministri i Kulturës, Rinisë dhe Sportit, Kujtim Gashi, ka nënshkruar memorandume edhe me katër federata tjera të sportit me qëllim të mbështetjes financiare të tyre në realizimin e programit që kanë planifikuar për vitin 2018. Memorandume bashkëpunimi janë nënshkruar me Federatën e Sportit Shkollor të Kosovës (FSSHK), të cilin e ka nënshkruar Ardian Telaku, duke siguruar 80 mijë euro përkrahje për federatën e tij. Kryetari Ramadan Selimi ka nënshkruar në emër të Federatës së Boksit të Kosovës (FBoxK), në vlerë prej 77,325 euro. Federatën e Sporteve Universitare të Kosovës (FSUK) e përfaqësuar nga Musa Selimi nënshkroi memorandumin në vlerë të 40 mijë eurove për federatën e themeluar së fundmi. Ndërkaq, Federata e Shahut të Kosovës (FSHK), përmes memorandumit ka fituar mbështetjen në vlerë prej 39,160 eurove, të cilin e nënshkroi Nysret Avdiu. Me këtë rast, ministri Kujtim Gashi, tha se përmes kësaj mbështetjeje financiare si ministri po mundohemi të bëjmë maksimumin për t’u gjendur afër federatave të sportit. “Sot nënshkruam memorandume edhe me katër federata tjera në vazhdën e atyre që kemi nënshkruar dje e pardje. Ndonëse si ministri e vlerësojmë punën e secilës federatë në fushën e vet, konsideroj që sot kemi nënshkruar dy memorandume të rëndësishme me dy federata të cilat ndikojnë më së shumti në masivizimin e sportit në vendin tonë, Federatën e Sportit Shkollor të Kosovës dhe Federatën e Sporteve Universitare”, u shpreh ministri Gashi. Kurse drejtuesit e federatave vlerësuan se me përkrahjen që u është siguruar nga ana e MKRS-së, tashmë pas kategorizimit, do të ndikojë që si federata të planifikojnë dhe realizojnë program dhe organizim më të mirë si dhe gara edhe më cilësore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara