Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, para takimit të nesërm mes Kosovës e Serbisë, që pritet të mbahet, në Bruksel, përmes një analize të gjatë thotë se shpreson që ky takim të mos jetë një tjetër xhiro bosh. Shqipëria, përkundër lidhjes të ngushtë unike ndoshta në botë me Kosovën, është plotësisht në linjën e përpjekjeve të Shteteve të Bashkuara dhe Bashkimit Europian, për të realizuar planin e normalizimit të marrëdhënieve mes Kosovës dhe Serbisë. Jo sepse aleatët tanë të mëdhenj strategjikë kanë gjithnjë, medoemos, të drejtë, po sepse deri më sot ata nuk kanë qenë asnjëherë gabim në kërkesën e tyre ndaj të dyja vendeve, e së fundmi Kosovës veçanërisht. Edi Rama tha se Shqipëria kurrë nuk nxit trazime etnike as në shtetet fqinje, as mes shteteve fqinje, duke prekur ndjenja që mund të ushqejnë kundërshti e të ndezin konflikte në rajon. Megjithatë, ai thotë se Shqipëria e shqiptarët janë me Kosovën në një skenar ku gjërat shkojnë keq mes Kosovës e Serbisë. Fatkeqësisht po ashtu, disa harrojnë se nuk jemi më në vitet ‘90 të shekullit të kaluar. Shqipëria është për paqe, pajtim, ardhmëri të përbashkët dhe pikë. Por megjithatë, nëse gjërat shkojnë keq, Shqipëria dhe shqiptarët janë me Kosovën, këtë nuk e luan as topi, ka saktësuar kryeministri, Edi Rama.
