Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama bëri të ditur se janë mbledhur firmat në Asamblenë e Këshillit të Europës. Lidhur me mocionin për një rezolutë të re mbi rezolutën e vitit 2011, ku pa asnjë fakt u ngritën akuza për trafik të organeve njerëzore ndaj Ushtrisë Çlirimtare të Kosovës. I mblodhëm më në fund firmat në Asamblenë e Këshillit të Evropës për mocionin për një rezolutë të re mbi rezolutën e vitit 2011, ku pa asnjë fakt u ngritën akuzat e tmerrshme ndaj Ushtrisë së lavdishme Çlirimtare të Kosovës për trafikun e organeve njerëzore. Kryeministri Edi Rama theksoi se rruga e drejtësisë për Kosovën, gjakun e derdhur për liri, dëshmorët e UÇK-së dhe heronjtë e saj të gjallë sot në Hagë, do të jetë e gjatë, e mundimshme, madje edhe fyese deri në palcë, por drejtësia do të triumfojë në fund fare, sepse s’ka forcë në botë që ta damkosë si kriminale një luftë çlirimtare. Në 12 tetor 2022, në fjalën e mbajtur në Asamblenë e Përgjithshme të KiE-së, Rama i bëri thirrje Këshillit të Evropës që të rrëzojë akuzat kundër Kosovës dhe të pranojë kërkesën e Shqipërisë për një rezolutë të re.
