Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri Edi Rama, njëherësh kreu i Partisë Socialiste, ishte në qytetin e Vlorës ku prezantoi kandidatët e PS për zgjedhjet e 11 majit. Gjatë fjalës së tij, Rama theksoi rëndësinë e integrimit të Shqipërisë në Bashkimin Europian dhe apeloi për mbështetje të fuqishme nga qytetarët. “Nëse më 11 maj i japim mesazhin Europës që ne duam të jemi në BE, kjo është një gjë. Por nëse Shqipëria dërgon mesazhin se po merret me “mustaqet e Kujtim Gjuzit”, ose disa të tjerë që thonë se kemi pasaportë europiane, kjo është krejt tjetër gjë. Ne na lejohet të shkojmë në Evropë, por jo të ndalojmë atje. Kjo nuk ka të bëjë me fitimin ose humbjen e PS, por me mesazhin që do të dërgojmë për të ardhmen tonë”, tha Rama, duke theksuar se Shqipëria duhet të dërgojë një mesazh të fortë për të ardhmen e saj europiane.
