Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama deklaroi se situata në veri të Kosovës është shumë shqetësuese për sa i përket pozitës së saj te ndërkombëtarët. Ajo po tkurret në sytë e atyre që e krijuan si shtet. Situata po bëhet alarmante dhe unë nuk mund të qëndroj si spektator para kësaj gjendjeje. Kërcënim i Serbisë ka marrë fund në qershor të vitit 1999, por shqetësuese janë tonet ultimative të aleatëve që mund të sjellin pasoja. Sipas Edi Ramës, kërcënimi i Serbisë është një mision i mbyllur që përdoret nga politikanët në Kosovë për të bërë politike të brendshme. Jam i shqetësuar për tkurrjen dramatike të Kosovës dhe për tonet ultimative të aleatëve që mund të sjellë pasoja të pallogaritshme në shumë aspekte. Duke filluar nga pasojat e rritjes së numrit të trupave në Kosovë që do të thotë ulje e kapacitetit Sovran të Kosovës. Ose një gjë që do të thotë humbja e Kosovës në aspektin e humbjes së një shansi dhe një mundësie për të integruar plotësisht veriun në jetën e vet institucionale, duke hapur rrugën që të kalojë në kontrollin e trupave të huaja që do të ishte një gjë e tmerrshme për këto jam shumë i shqetësuar, ka saktësuar Edi Rama.
