Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama duke folur sot nga Ministria e Brendshme për rezultatet e kënaqshme sipas tij te 9-mujorit të Policisë së Shtetit, tha se ndihet keq për furinë e baltës, akuzat dhe përpjekjesh ndaj policisë. Sipas tij, këto sulm,e synojnë demotivimin e Policisë së Shtetit. “U bënë plot 4 vjet që Policia e Shtetit është institucioni më i sulmuar në vend dhe thjesht për një statistikë të bazuar në fakte i kam kërkuar para pak ditësh njerëzve të medias në Kryeministri të bëjnë një kërkim në gjithë historikun e medies së lirë shqiptare për të parë treguesit lidhur me qëndrimet politike dhe mediatike ndaj policisë së shtetit. Nuk jam befasuar, por edhe pse e kisha të qartë, raporti i sulmeve politike dhe mediatike ndaj policisë së shtetit në këto 4 vite është dhjetë me një”, tha Rama. Sipas Ramës, deri tani, pa mbaruar muaji tetor Policia e Shtetit ka sekuestruar nga duart e rrjeteve kriminale 35 milionë euro. “Pra deri në fundit e vitit të shkuar ishin plot 47 milionë euro, para të sekuestruara nga krimi. Ndërkohë që në 2013 shifrat as krahasoheshin, tani a ka nevojë për logjikë?”- tha Rama.
