Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ligjëruesja në Fakultetin e Kriminalistikës, Kriminologjisë dhe Studimeve të Sigurisë në Sarajevë dhe hulumtuese e Iniciativës Atlantike, Edina Beqireviq ka tërhequr vërejtjen se presidenti i Serbisë, Aleksander Vuqiq dhe president i entitetit serb të Bosnje e Hercegovinës, Republika serbe, Millorad dodik po e përmbushin qëllimin strategjik të Rusisë në Ballkan. Ajo ka deklaruar më tutje se Millorad Dodiku, ndonëse është më i spikaturi në strukturat e njerëzve që angazhohen për interesat e Rusisë në rajon, ai nuk merr asnjë vendim pa u këshilluar paraprakisht me presidentin e Serbisë, Aleksandër Vuçiq. Ligjëruesja, Edina Beqireviq, ka shkruar më tutje se Bashkimi Evropian në vend se t’i adresoj problemet e thella e të rrënjosura, ka zgjedhur qasje e stabilokracisë, pra në ruajtjen e status kuos. “Qasja e stabilokracisë nga BE-ja, gjithashtu, ka kontribuar në zhgënjimin ndaj integrimeve evropiane në të gjithë Ballkanin Perëndimor. Përparësia e marrëdhënieve ekonomike dhe ruajtja e lidhjeve me regjime si ai i Vuçiqit, kanë penguar adresimin e problemeve thelbësore, si secesionizmi i Dodikut në Bosnjë e Hercegovinë, incidenti në Banjskë të Kosovës dhe ndikimi gjithnjë në rritje i Rusisë” ka deklruar mes tjerash gjatë intervistës për Radion Evropa e Lirë, autorja e librit “Putinizmi në Ballkanin Perëndimor”, Edina Beqireviq.
