Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë një seance të jashtëzakonshme për çështjen e ushqimit të pjesëtarëve të Forcës së Sigurisë së Kosovës, ministri i Mbrojtjes, Ejup Maqedonci, e ka cilësuar opozitën si autorin e një fushate të ashpër, duke mohuar çdo problem me ushqimin e ushtarëve. Ai ka deklaruar se çdo ushtar merr tri vakte në ditë dhe se ushqimi është cilësor, përkundër pretendimeve se ka mungesë të produkteve. Ministri Maqedonci ka theksuar se ky sulm ndaj Ministrisë së Mbrojtjes dhe FSK-së është pjesë e një fushate agresive që ka potencialin të krijojë një precedent të dëmshëm për sigurinë e vendit. Ai ka kërkuar që transparenca të jetë një prioritet, por ka akuzuar mediat dhe disa akterë për keqpërdorimin e kësaj transparence për të sulmuar institucionet e mbrojtjes. “Ushqimi është duke u shërbyer me cilësi të lartë, duke u përgatitur nga stafi brenda,” ka thënë Maqedonci, duke sqaruar se ndonëse mund të ketë mungesa të disa artikujve, gjendja e përgjithshme është normale.
