Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ekspertët e ekonomisë kanë konstatuar se Qeveria aktuale nuk ka arritur asnjë rezultat të madh. Ata kanë thënë se Qeveria duhet të përqendrohet në çështje zhvillimore, të krijohen vende të reja të punës, në të kundërtën, qytetarët do të vazhdojnë të emigrojnë jashtë Kosovës për në vendet tjera ku ofrohet perspektiv për jetë më të mirë. Ish-ministri i Financave, Haki Shatri ka deklaruar se për të tejkaluar krizën, Qeveria duhet të merret me problemet e brendshme dhe t’i shfrytëzojë potencialet zhvillimore në vend. “Nuk kemi nevojë ta mësojmë Amerikën edhe Evropën se çka duhet të bëjnë ata, se ata e dinë vetë më mirë se na. Ne duhet të merremi me problemet tona të brendshme edhe mundësitë që i kemi” ka theksuar ish ministri i Financave, Haki Shatri. Ai ka theksuar më tutje se asnjë projekt i madh nuk po shihet që është duke u vazhduar, janë stagnuar krejt. “E kam një përshtypje thjeshtë që pandemia edhe këto problemet që janë krijuar me situatën ndërkombëtare në Ukrainë, kësaj Qeverie i kanë konvenuar”.
