Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eksperti i sigurisë, Burim Ramadani, ka ngritur pyetje të rëndësishme lidhur me ndërtimin e vilës së Milan Radoiçiqit në veri të Kosovës. Duke iu referuar aktakuzës së fundit të ngritur nga Prokuroria Speciale për sulmin terrorist të 24 shtatorit 2023 në Banjskë, Ramadani theksoi se Radoiçiqi nuk ka hyrë në mënyrë legale në Kosovë që nga nëntori i vitit 2018 për shkak të një fletarresti. Ai shpjegoi se, ndonëse fletarrestit iu tërhoq në shkurt të vitit 2019, ai iu rikthye vetëm disa muaj më vonë, në maj të po atij viti, dhe që nga ajo kohë nuk është tërhequr më. Ramadani shprehu habinë sesi Radoiçiqi arriti të ndërtonte vilën e tij në pronë shtetërore gjatë viteve 2021 dhe 2022, duke nënvizuar se kjo është në kundërshtim me statusin e tij si person i kërkuar nga autoritetet.
