Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
GJEOGRAFIA E ZEMRËS
Nata e përqafoi qiellin e purpurt
Tek syri gjysmë i hapur
I yllit në zgjim
Polet në faqen e tokës shtrirë
Ua dëgjojnë frymëmarrjen
Erërave
Deri në zemër
Syri mat e çmat
Horizonte të shkrumbuara
Me ajër të akullt
Matematikë e gabuar
Me gjakun e zemrës sime
Vijëzon kufijtë
E atdheut të tkurrur
NË VEND TË PARATHËNIES
Majat e maleve
Me parzmën time i kam mprehur
Mbi fosforin tim sofrën e kam shtruar
Gosti për perëndi
Me këngë rituale
Duke i pagëzuar brezat
Unë re mbi re
Largova myshkun e shekujve
Rrugëve kah eci
E ndjejë trokun e kalit
Heroit të Motit të Madh
Hijen ia preku
Në Dardani u pagëzua kuq e zi
Duke bërë epoka
Me ngjyrën e dejve të mi
E TY
Nga ç’ nëmë nëne të është gurëzuar zemra
Thith gjakun e dejve të mi
E perëndive sofrën ua trazon
Mijëra vjet ditëlindjen ARBËRI
Ta këndoj
