Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Shtetit për Marrëdhëniet me Parlamentin, Elisa Spiropali deklaroi sot se protestat çdo ditë vijnë duke u bërë më të pakta në numër, pasi kauza është e stisur. Në një intervistë televizive Spiropali nënvizoi se ngjarja është absolutisht e rëndë, absurde, tragjike dhe duhet zbardhur nga drejtësia. E pyetur për protestat, Spiropali u shpreh se “është e 6-ta ditë, por çdo ditë e më shumë vijnë duke u bërë gjithnjë e më pak. Është e qartë, që është një kauzë e stisur, që ka humbur tashmë çdo besueshmëri, që nuk bazohet tek kërkimi i drejtësisë, por tek krijimi i padrejtësive të reja për të realizuar atë që opozita e rrugës nuk ia ka mbërritur në këto vite”. Por, theksoi ajo, “lajmi i mirë është që e kanë kuptuar se me fytyrën e tyre, por edhe me maskat e tyre, nuk ai dalin dot të krijojnë besimin e publikut dhe kanë zgjedhur tani rrugën më të shëmtuar, për të mos thënë më kriminale, duke përdorur fëmijë, të mitur dhe për t’i nxjerrë ata në krye të protestës. Sepse fytyrën e tyre në protestë nuk do ta shohë më askush”. (ATSH)
