Elkos Group dhe ETC ndihmuan 400 familje vitiase me pako ushqimore

25/03/2020 Institucionet

Kompania Elkos Group dhe ETC kanë dhuruar sot 10.000 kg miell, 800 litra qumësht dhe 800 lira lëngje për familjet në nevojë të komunës së Vitisë. Bëhet me dije se këto ndihma ushqimore ju dedikohen 400 familjeve nevojë të komunës së Vitisë, ku secila familje do të pranoj nga një pako ushqimore që do të përmbajë nga një thes miell 25 kg, 2 litra qumësht dhe 2 litra lëngje. Me këtë rast zv. Kryetari i Komunës së Vitisë, Hasan Aliu falënderoj këtë kompani për donacionin e dhënë duke potencuar se ky donacion është shumë i rëndësishëm pasi që ju dedikohet familjeve në nevojë. Zv. Kryetari Aliu potencoi se nëse llogariten edhe ndihmat e fundit që janë dhënë nga donatorët e tjerë së bashku me atë që u dha sot nga Elkos Group dhe ETC, në Viti deri me tani do të ndihmohen 800 familje në nevojë nga të gjitha fshatrat e kësaj komune. Ai bëri me dije se lista e përfituesve të këtyre ndihmave është hartuar në bashkëpunim me këshillat e fshatrave dhe potencoi se shpërndarja e tyre do të bëhet në bashkëpunim me Kryqin e Kuq dhe Shoqatën Bamirëse Humanitare “Nëna Terezë” nga Vitia.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara