Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ike Baca Ahmet, ike dhe shkove në amshim, duke lënë një boshllëk të madh tek të gjithë ne. Tek të gjithë ne, që çmuam dhe vlerësuam lart; pendën tënde të artë dhe mendjen tënde të ndritur, prej shkrimtari, atdhetari e intelektuali, nga më të mëdhenjtë të këtyre dekadave të vështira, nëpër të cilat kaloi kombi ynë, e në veçanti Kosova. Gjithmonë i palëkundur në shërbim të së vërtetës, të së drejtës dhe vlerave më të çmuara, që pati ky popull. Gjithmonë i pathyeshëm përballë sfidave të kohës, qëndrove me kokën lart. Pranove të vuash, të hiqesh, por të mos lëkundesh, sepse e vërteta është vetëm një, dhe nuk mund të jenë dy. Dhe ti nuk hezitove ta thuash atë, ta thuash fuqishëm dhe me zë. Do na mungosh shumë, Bac! Do i mungosh shumë Kosovës dhe mbarë kombit, për të cilin dhe çdo gjë nga vetja jote! Ti ike, por mbrapa lë veprën tënde, testament i shkruar në netë pa gjumë, kur të tjerët të dehur i gdhinin mëngjeset në lokalet plot zhurmë. Ti ike, në një ditë të veçantë, sepse e veçantë ishe jeta dhe veprimtaria jote! Ti ike kur ende shumë i duhesh Kosovës, kur ende kishe shumë për t’i dhënë! Pse, pse, Bac…?! Lavdi e përjetëshme jetës dhe veprës tënde, Bac!”
