Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti Eman Rrahmani, i cili ka njoftuar largimin e tij nga partia Vetëvendosje, ka deklaruar se mandati i tij si deputet, si pjesë e këtij subjekti politik, ka përfunduar. Sipas tij, largimi ishte rezultat i mospajtimeve të vazhdueshme me politikën e partisë dhe vendimeve që lidhen me disa ligje të rëndësishme. Ai ka theksuar se përplasjet kanë filluar me diskutimet për Kodin Civil, përmbajtja e të cilit, sipas tij, nuk ishte e pranueshme për shoqërinë kosovare. Eman Rrahmani, shtoi se mosmarrëveshjet vazhduan edhe për ligje të tjera, si ai për fertilizim dhe Ligji për gjendjen civile, të cilin e cilësoi si veçanërisht të dëmshëm për shkak të lehtësimit të ndryshimit të gjinisë për personat nën moshën 18 vjeç. Pas këtyre zhvillimeve, Eman Rrahmani, dhe kolegu i tij, deputeti Visar Korenica, kanë vendosur të krijojnë një nismë të re politike, që do të ketë si synim mbrojtjen e familjes tradicionale.
