Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Vetëvendosjes, Eman Rrahmani, ka folur në lidhje me incizimet e bisedës së shefes së grupit parlamentar të Lëvizjes Vetëvendosje, Mimoza Kusari-Lila, me përfaqësuesin e Listës Serbe, Sllavko Simiq. Ai në lidhje me këtë tha se Kusari-Lila vjen nga një subjekt tjetër politik dhe u shpreh se nuk ndihet i përfaqësuar nga ajo. “Unë e kam pasur qëndrimin tim që Mimoza Kusari vjen prej një subjekt tjetër politik, nuk më përfaqëson mua, përfaqësimi im si deputet në Kuvend bëhet nga unë si deputet, si përfaqësues direkt në Kuvendin e Republikës së Kosovës dhe nuk e ndjejë vetën të përfaqësuar nga një deputetet apo një deputet tjetër cilido qoftë ai”, është shprehur ai. Më tutje, Rrahmani tha se ky vlerësim i tij ka qenë publik edhe para se të ndodhë publikimi i incizimeve. “Ky vlerësim imi ka qenë publik edhe para se të ndodhin këto përgjime, kështu që edhe tani nuk është se kam ndonjë ndryshim, për shkak se kam deklaruar rreth përfaqësimit edhe para se të ndodhin këto përgjime”, shprehu bindjen ai.
