Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i parë i Gjykatës Kushtetuese të Kosovës, Enver Hasani e ka quajtur papjekuri të skajshme politike mos-denoncimin e kërcënimit nga kryetarja, Vjosa Osmani, e cila ka thënë se është kërcënuar e shantazhuar për ta dekretuar Blerim Isufajn kryeprokuror. Hasani ka thënë se vonesa e shkaktuar në procesin e dekretimit përbën shkelje të detyrimit kushtetues nga neni 84.17 i Kushtetutës. Mos dekretimi i një titullari të organit qendror kushtetues përbën një të drejtë, por edhe detyrim të Presidentit të Republikës së Kosovës sipas nenit 84 të Kushtetutës së Republikës. Kjo nënkupton se shefi i shtetit të Kosovës ka dy rrugë, të dekretojë ose të mos dekretojë. Në çdo rast, dekretimi përbën aktin e fundit të konfirmimit të ligjshmërisë dhe kushtetutshmërisë së ndjekur nga organi propozues i titullarit të organit kushtetues qendror. Kur bën dekretimin, Presidenti i Republikës nuk jep arsyetim, një gjë e tillë nuk është në natyrën e dekretit. Kur refuzon, Presidenti jep arsye për mos dekretim, të cilat duhet të bazohen në vlerësimet e organeve të tjera kushtetuese ose në burime të tjera të informatave, por asnjëherë në gjetjet faktike origjinare të zyrës së Presidentit të Republikës. Konstatimi i gjendjes faktike origjinale nuk është në mandatin e shefit të shtetit, pra ushtrimi kushtetues ushtrimi i funksionit të mbledhjes së fakteve origjinare nuk i takon këtij organi kushtetues, pasi këtë gjë e bëjnë të tjerët për te, ka saktësuar, profesori, Enver Hasani.
