Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i Gjykatës Kushtetuese, Enver Hasani, ka shprehur kritika të ashpra ndaj qasjes së Qeverisë së Kosovës për shtrirjen e sovranitetit në veri të vendit. Pavarësisht përpjekjeve të qeverisë për të demonstruar kontrollin në këtë pjesë të territorit, mungesa e strukturave të rregullta shtetërore si prokuroria, gjykata dhe policia, dëshmojnë mungesën e sovranitetit të vërtetë. Enver Hasani i etiketoi përpjekjet për të shtrirë sovranitetin përmes forcës së aparatit shtetëror si të rrezikshme dhe naive. Ai kritikoi idenë se hapja e urës mbi lumin Ibër mund të konsiderohet si tregues i shtrirjes së sovranitetit, duke e quajtur këtë qasje absurde. Sipas tij, sovraniteti nuk shprehet me veprime të tilla simbolike, por përmes shtrirjes së funksioneve thelbësore të shtetit, si taksat dhe rendi publik, në të gjithë territorin e vendit.
