Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Kuvendit të Kosovës, Enver Hoxhaj, duke folur në një debat publik mbi rreziqet e politikës populiste në kontekstin e intolerancës etnike ka deklaruar se fitorja e kryeministrit të Kosovës, Albin Kurti, nuk është asgjë tjetër, veçse populizëm. E shtroj pyetjen se a është Kosova pas 2 vitesh më e sigurt sesa ka qenë në vitet 2019-2021? A ka Kosova në vitin 2023 më shumë aleatë sesa ka pasur në vitin 2021? A ka Kosova në këtë vit më shumë njohje, më shumë anëtarësi ndërkombëtare sesa ka pasur në vitet 2019 – 2020? A jetojnë njerëzit më mirë në Kosovë sesa kanë jetuar në atë kohë? Të gjitha këto pyetje e kanë përgjigjen fort negative”, ka thënë Hoxhaj. “Për ne në Kosovë është jetike po ashtu të jemi të vendosur ta tejkalojmë populzimin aktual nëse ne i themi qytetarëve të Kosovës që Kosova më 1999 ka triumfuar mbi historinë dhe Serbinë si okupues, që ne në vitin 2008 kemi triumfuar për herë të dytë me shpalljen e pavarësisë dhe për ne është jetike që të ndërtojmë një marrëdhënie normale me Serbinë drejt njohjes së ndërsjellë”, ka thënë mes tjerash nënkryetari i Kuvendit të Kosovës, nga radhët e PDK-së, Enver Hoxhaj.
