Ministri i Punëve të Jashtme, Enver Hoxhaj, ka thënë se mbështetja e administratës amerikane për Kosovën është një mesazh motivues për qytetarët e vendit. Njohjet dhe anëtarësimi në organizata ndërkombëtare do të jenë prioritete, ka bërë të ditur Hoxhaj. Po ashtu, ai ka thënë se së shpejti pritet anëtarësimi i Kosovës në një organizatë ndërkombëtare si dhe një shtet tashmë ka marrë vendim ta njohë shtetësinë e vendit tone, dhe njohja do të bëhet publike shumë shpejt. Më tej Hoxhaj ka folur edhe për veprimet e fundit të Serbisë. Ai ka thënë se Serbia po përdor një zinxhir të skenarëve që synon ta provokojë Kosovën, por, sipas tij, Kosova është e vendosur të mbrojë sovranitetin dhe integritetin territorial të vendit.
![Enver Hoxhaj](https://www.radiokosovaelire.com/wp-content/uploads/enver-hoxhaj-1-610x330.jpg)