Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ministri i Jashtëm i Kosovës, Enver Hoxhaj, ka kritikuar ashpër liberalizimin e vizave për serbët e Kosovës që përdorin pasaporta të lëshuara nga Serbia, duke e quajtur këtë vendim një lëshim të madh ndaj Beogradit dhe një kërcënim për sovranitetin e Kosovës. Sipas Hoxhajt, ky zhvillim, i shoqëruar me heqjen e regjimit të vizave nga kryeministri Albin Kurti për Bosnje dhe Hercegovinën, i jep Serbisë më shumë kontroll politik mbi serbët e Kosovës dhe përkeqëson pozicionin e Kosovës në marrëdhëniet me Bashkimin Evropian. Hoxhaj ka theksuar se këto veprime janë një hap prapa për Kosovën dhe kritikoi qeverinë Kurti për mungesë të reciprocitetit në marrëveshjet për lëvizje të lirë për qytetarët e Kosovës. Sipas tij, vendimi i Brukselit për të lejuar serbët e Kosovës të lëvizin lirshëm në BE me pasaporta serbe legjitimon pretendimet e Serbisë mbi qytetet e Kosovës dhe përbën një “sulm të qartë” ndaj sovranitetit të vendit.
