Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari në detyrë i PDK-së, Enver Hoxhaj ka deklaruar se shpesh herë në Kuvend temë kryesore gjatë këtij viti dhe vitit të kaluar ishte humbja e jetës së njerëzve, por shumë pak është folur për atë se si po humbin fëmijët nga mos-zhvillimi i mësimit. Tutje ai ka theksuar se kur pandemia ka goditur Kosovën në vitin e kaluar ka qenë e qartë se arsimi do të përballet me humbje të tilla. “Qeveria Kurti më 12 mars 2020 mbylli shkollat pa plan, e kur nuk ke plan nuk ke qartësi nuk ke kontroll mbi situatën dhe ecurinë natyrisht se dëmtohet cilësia. Pastaj Qeveria Hoti e cila filloi mësimin me shumë vonesë, e që vetëm pati masa mbrojtëse si maskat, matja e temperaturës e distanca. Ajo çfarë dy qeveritë nuk e kanë paraparë ishte dështimi i procesit në kuadër të mësimit në shkolla dhe në distancë. Nuk e dimë sot se sa shkolla në cilin skenarë kanë qenë, A B apo C”, shtoi ai. Hoxhaj tha se kjo seancë është ftuar që të debatohet për arsimin dhe pandeminë jo vetëm për të kritikuar qeverinë, “por kemi ftuar këtë debat pasi Qeveria Kurti në bazë të programit që ka ofruar s’ka as mendim politik, as strukturë përmbajtjesore se çfarë ndodhë apo çfarë duhet të ndodhë me arsimin”.
