Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Turqisë Rexhep Tajip Erdoğan është shprehur se bashkë me krizën e Gazës, sistemi global ka ngritur flamurin e falimentimit, raporton Anadolu. Në fjalimin e tij në Programin e Trajnimit për të Drejtat e Njeriut të organizuar nga Kryesia e Partisë, Erdoğan tha se politika botërore po bën një nga kthesat e saj më të forta. Nuk është bërë asnjë përpjekje për të rishikuar sistemin global rreth drejtësisë dhe për të parandaluar shkeljet e të drejtave të njeriut, duke përfshirë të drejtën për jetë. Por bashkë me krizën e Gazës, sistemi global ka ngritur flamurin e falimentimit. Gaza ka hequr maskat në të gjithë botën, ka hequr perdet mbi të vërtetën dhe ka treguar qartë se sa e zbrazët është brendësia e institucioneve që janë mbajtur si shembuj për dekada”, tha presidenti turk. “Programin tonë ne po e kryejmë në një kohë kur në botë po ndodhin shkelje jashtëzakonisht të rënda të të drejtave të njeriut. Politika botërore po bën një nga kthesat e saj më të forta. Në sistemin ndërkombëtar ka boshllëk serioz. Ndodhemi përballë jo vetëm me humbje të moralit por dhe humbje të ndërgjegjes. Ky boshllëk po bëhet më i dukshëm dita-ditës. Skenat e gjakut, mizorisë, luftës dhe konfliktit që duhet të na trembin të gjithëve, janë bërë të zakonshme. Institucionet, normat, rregullat që njerëzimi ka krijuar për të garantuar sigurinë e tij të përbashkët, po humbasin terren dita-ditës. Brendësia e koncepteve të tilla si të drejtat e njeriut, demokracia, ligji dhe drejtësia globale, janë zbrazur, konsumuar dhe kanë pësuar humbje të besimit dhe reputacionit”.
