Turqia dhe Shqipëria janë dy anëtarë të aleancës së NATO-s që luajnë rol në ruajtjen e paqes dhe stabilitetit në rajonin e Ballkanit, ka deklaruar kryetari i Turqisë Rexheë Tajip Erdoğan, në një konferencë të përbashkët shtypi në Ankara me Edi Ramën, kryeministrin e Shqipërisë, i cili qëndroi për një vizitë zyrtare njëditore, në Turqi. Erdoğan tha se Shqipëria ishte në “anën e duhur të historisë” në votimin e Asamblesë së Përgjithshme të OKB-së dhjetorin e kaluar në favor të një armëpushimi të menjëhershëm humanitar në Rripin e Gazës, duke theksuar rëndësinë thelbësore të solidaritetit të saj me “popullin e shtypur palestinez” në këtë periudhë, katër muaj pas fillimit të sulmeve izraelite në Gaza, në të cilat janë vrarë gati 30.000 njerëz. Lidhur me organizatën terroriste FETO, Erdoğan tha: “Ne nuk do t’i japim mundësi rrjetit të ligë që përpiqet në çdo mënyrë të helmojë marrëdhëniet tona; ne do ta vazhdojmë luftën tonë”. Erdoğan tha se Turqia e ka ngritur vëllimin e saj të tregtisë me Shqipërinë në nivelin 1 miliard dollarëve dhe tani dy vendet synojnë ta dyfishojnë atë në 2 miliardë dollarë.
![Turqia është e kënaqur që Qeveria Shqiptare e ka shpallur “partner strategjik”](https://www.radiokosovaelire.com/wp-content/uploads/turqi-shqiperi1-520x330.jpg)