Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në kuadër të platformës elektronike “Rahoveci digjital”, sot, në prag të festave të nëntorit, është lansuar edhe një projekt shumë i rëndësishëm “Harta e lirisë”.
Në këtë hartë janë paraqitur: Lapidarët e dëshmorëve, Varrezat e dëshmorëve, Varrezat e martirëve, Pikat e zjarrit të UÇK-së, Barikadat, Ambulancat, Muzetë, Shtëpitë që kanë shërbyer si shtabe të UÇK-së,
Shtëpitë që kanë shërbyer si baza të organizimit, strehë dhe logjistikë të UÇK-së. Kryetari Latifi tha me këtë rast se, me anë të kësaj harte synohet të ruahet dhe të promovohen vlerat e luftës së Ushtrisë Çlirimtare të Kosovës dhe të popullit shqiptar në tërë territorin e Komunës së Rahovecit. Harta është realizuar me programe bashkëkohore digjitale dhe hartografike, ku për këtë falënderoj përzemërsisht: bashkëpunëtorët e mi, OVL-dega në Rahovec, z. Idriz Shala, ekspertin e hartografisë, zyrtarët tanë nga zyra e IT -së dhe kompaninë “Rama Print”.
