leoni

Është mbajtur mbledhja e dytë e jashtëzakonshme e Kuvendit Komunal të komunës së Ferizajt

20/11/2023 Institucionet

Është mbajtur mbledhja e  jashtëzakonshme e kuvendit komunal të komunës së Ferizajt, e dyta për këtë vit, e kryesuar nga kryesuesi Xhavit Zariqi. Kuvendi i Komunës së Ferizajt miratoi rritjen e të hyrave vetanake në vlerë prej 1,281,743.30 euro për vitin 2023. Drejtorja e Drejtorisë së Financave, Sebahate Ajeti-Sadiku, ka thënë se bartja e këtyre mjeteve bëhet mbi bazën e ligjit të buxhetit  Nr . 08/L-193 për vitin 2023. “Planifikimi  i inkasimit të hyrave vetanake të komunës për vitin 2023 është 6,435,923.92 euro,  ndërsa inkasimi për këtë vit deri më dt.31.10.2023 është 7,717,667.22 euro, ndërsa diferenca prej 1,281,743.30 euro  janë rezultat i tejkalimit të hyrave. Vendimi duhet të merret për shkak të alokimit të mjeteve të nevojshme për shlyerjen e obligimeve të këtij  viti meqenëse gjatë muajve të kaluar kemi pasur ekzekutim të vendimeve gjyqësore përmes përmbaruesit kryesisht pagat ndaj mësimdhënësve si rrjedhojë e kontratës kolektive”, ka thënë drejtorja Ajeti-Sadiku. Drejtorja e financave tutje të pranishmit i ka njoftuar edhe tek kategoritë ekonomike ku është bërë shpërndarja e rritjes së të hyrave vetanake për vitin fiskal 2023. Ajo tha se këto mjete shkojnë tek mallrat dhe shërbimet me një shumë prej 1,131,743.30 euro, ndërsa tek shpenzimet komunale janë paraparë 150,000.00 euro. Pas fjalës së drejtores, anëtarët e kuvendit kanë pasur mendime të ndryshime, por shumicë votash ky propozim mori dritën jeshile nga të gjithë anëtarët e KK-së. Në fund të gjithë anëtarët e KK-së i ka falënderuar nënkryetari i Komunës Lulzim Aliu, për votën pro të këtij propozimi, përderisa ka thënë se bartja e këtyre mjeteve zakonisht është bërë në fillimin të vitit të ardhshëm, ndërsa këtë vit po e shfrytëzojnë ashtu siç e parasheh edhe ligji.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara